استخدامات الذكاء الاصطناعي الحديثه الطرأت على مجال الجرافيك ..

مدني:مدني نيوز

من استخدامات الذكاء الاصطناعي الحديثه الطرأت على مجال الجرافيك ..

حابه اتكلم عن الموضوع ده نسبة لكثرة تراوده الايام دي في وسط المصممين ..

وطبعا معظمنا بقى يفكر انو هل في إمكانية بعد كم عام يتم السيطره على مجال التصميم من قبل الروبوتات؟

وجهه نظري في الموضوع ده بتتخلص في الاتي :

“فقط المصمم الذكي هو ال ح يقدر يستعمل ويشغل التصاميم دي في صالحه ..

لكن اي شخص بعيد عن التصميم ح يحبط وينشر السلبيات عن الموضوع ده

لانو ببساطه الفكرة الإبداعية ح تجي من المصمم نفسه البوت لوحده م ح يبدع هو فقط ح يولد ليك التصاميم بناء على طلبك

فـ نقطة القوه انو الذكاء الاصطناعي ح يساعدك في شغلك جدا م حاجه ضدك ..

و كونو بتقال انو ح يحل محل المصمم ده من عاشر المستحيلات ولو بعد قرون ..

لان الذكاء الاصطناعي لوحده مستحيل يقدر يصل للنتيجه العايزها الكلاينت او العايزها انت ..

لكن عادي انك تطور من نفسك وتواكب التقنية وتجرب ح يسهل عليك جدا في المستقبل القريب ان شاء الله لكن لا تعتمد عليه اعتماد كلي !

دي كلها تصاميم تمت عبر الذكاء الاصطناعي 👌

#information #developement

#artificial_intelligence #midjourney #knowledge