امريكا:الخرطوم :مدني نيوز
ده خطاب رئيس قسم في جامعة انديانا في امريكا بعد ما قدم استقالته .. وبيتكلم فيه مع الطلبة وبينصحهم بخصوص المستقبل الغير مشرق للاكاديميا.
.
قبل ما نتكلم عن المضمون، افتكرت بوست من كام يوم لدكتور احمد سعد في الجامعة اليابانية بيقول فيه عن الموضوعات اللي خلاص مبقتش ترند زي النانوتكنولوجي مثلا.
ليه بضرب المثال ده؟ – لأن ده الواقع الحياة الأكاديمية مش زي بدايات القرن اللي فات مثلا من حيث العمق والاولويات على العلوم الأساسية.
.
دكتور محمد حسن في جامعة اريزونا من اكتر الناس اللي بتتكلم في الموضوع ده وان المستقبل للابحاث المداومة بالصناعة بشكل اساسي واللي بيسحب من الاكاديميا مميزات كتير وبيخلي موضوع الدراسات العليا تضييع وقت وعمر وجهد حاليا.
.
النجاح حاليا في الاوساط الأكاديمية واللي بقت متشابكة بشكل قوي بالسياسة والصناعة بقى معتمد على عوامل كتير جدا ومش من اهمها “الذكاء” مثلا.
العلاقات واسم الجامعة والفلوس بتسيطر على احتمالات النجاح.
.
زي ما هتلاحظ في المكتوب مثلا هنا، الدكتور بيحذر الطلبة ان في برامج تانية في جامعات اكبر غالبا هي اللي بتكسب الفرص.
.
طبعا انا ضد السلبية، لكن مهم جدا التعامل بواقعية مع الأمور عشان لما تيجي تخطط متكونش لسة معتمد على افكار وعوامل خلاص منتهية الصلاحية.
.
هل فعلا محتاج ماجستير؟
هتعمل ايه بعد الدكتوراه؟
هل اصلا السوق والعالم محتاج دكاترة تاني في مجالك؟
.
التغييرات اللي بتحصل اخر سنتين ومستمرة سريعة جدا ولاااازم تبقى جاهز وعندك مرونة كافية للتغيرات او البداية من الأول في طريق جديد!
