مدني:مدني نيوز
أجرته هالة حامد
مقتطفات من برنامج هموم الناس مع الاعلامية هالة حامد في ضيافة دكتورة فاطمة آدم معالج نفسي إدمان مستشفي حسن علوم ودكتورة كوثر باباي عضو رابطة الاعلاميين ولاية الجزيرة…موضوع الحلقة المخدرات الخطر الداهم….من إخراج ياسر حمد.
خطر المخدرات….
ح اتكلم بالبسيط جدا عشان رسالتي توصل لأي أم و رب اسرة ولأي شاب وشابة …شبابنا الجميل ألحقوه قبل يضيع ونجي نقول ألااا ليت الشباب يعود يوما ونتحسر انه م عشناهو صاح وم قدرنا نفجر طاقاتنا في الفايدة…اسمعووني كويس يا اولادي ويااا بناتي ويااا أخواتي ويااا اخواني وكل اهلنا وشعبنا الحبيب ليه نذهب عقولنا اللي محتاجاها أسرنا ومحتاج ليها البلد حقوا نوقف ونتأمل شوية ليه انتشرت المخدرات؟ وليه كل الضياع الحاصل والتوهان والاستهداف من كل صوب؟!! ..ركزوا معاي شديد …دا كلووا لاانه بلد غني بالثروات وبلد غني بالثقافات المتعددة ورغم دا كلووا عشان نحنا أفضل شعب في التماسك الأسري واللمة الحلوة بالاهل مشهود بي حاجاتنا الجميلة دي …تعرفوا عشان كده أول حاجة بدوا بيها تشتيت الاذهان وخراب العقول من بدري وهي في قمة النشاط عشان توقف وم تفكروا في حاجة تقدمنا و عشان يعيقوا نهضة البلد وم نتقدم خطوة قدام ودي ويقيف العقل وم يفكر الا انه كيف يجيب مادة مخدرة أيا كانت وبكل انواع المخدرات بكل بلد في العالم بكون في أعداء للبلد المعني وهو حال الدنيا منذ الخليقة أنه في خير وفي شر ..لكن كمان ربنا ادانا عقل نميز بيهو وخصانا دون مخلوقاته بنعمة العقل والتفكير والتطور لعقولنا يبقي عشان توقف حال أسرة او بلد او مسيرة نماء اهم حاجة تدمر العقول …وعقول منو الشباب لانه هم الأمل المرتجي لكل امة وشوفوا زاد متين نشاط الترويج للمخدرات أثناء الثورة وبعدها اصلا هي الثورة مستمرة و عشان ننسي القضية المهمة اللي ناهضنا عشانها وبنادي بأهداف هي التغيير و لي شنو ؟! … كله عشان ننهض ونتطور ..يبقي أوعوا ياشباب واصحوا وانبذوا كل م يدمركم وينهي شبابكم وبس ختوا قدامكم الاهل والمستقبل …كل الامال العراض والاحلام الجميلة بوطن آمن ومستقر وشباب مستنير ….اصحوا يا آباء ركزوا مع اولادكم وياامهات خلو الفارغة شوية ورافقووهم اولادكم وصاحبوهم يا آباء وم تفوتوا لحظة والا يكون معاكم وا حواليكم ذكروهم بانكم انتوا الامل والحياة ودونكم لاتسوي الحياة شي …كمان وشوفوا مسميات جديدة ومتنوعة لمخدرات مدمرة …الآيس دا الخلانا نخاف أكتر عليكم الكارثة انه النوع دا من شدة م هو خطر يخليك تدمن من اول جرعة ليه و عشان شنو وبنفعك بي شنو …رسالتي انتبهو يا أبنائي وبناتي ويا اهل ..وكمان في ادمان دون تعرف حاولوا تكونوا حريصين ومركزين م تنصاعوا مهما قابلتكم مشاكل خلوا بالكم من أي حاجة من رفاق السوء والعلاقات اللي بتوديك جهنم …ورسالتي للامهات م تنشغلن عن الاولاد من يتبوا راغبوهم بحب دون رعب وعاملوهم بلطف والاباء كمان م تخلو التربية علي الام ركزوا وحسسووهم بحنانكم والمسافة تكون قريبة عشان م ينفرط العقد …بعدين م تغغتوا وتدسوا ولا تستحوا من اول م تلاحظوا عليهم وتكتشوفوا انه بتعاعطوا تهتموا وتعالجوه لانه كان داريتو الحال بميل م عار ولا وصمة لأنه الشباب بتتغير حالاتهم مع سن المراهقة خليكم قراب شديد … م تنسوا اللمة والبيت الدافئ من علامات الصحة والمعافاة والاستمرار في تعليمهم بعادات الاسلام السمحة ..أخيرا أقول ليكم وداعة الله شبابنا وشاباتنا أمانة في أعناقكم يا اهلنا …كونوا اصحاء لااااا للمخدرات ..الحملة الكبري للتوعية بمكافحة المخدرات رابطة الاعلاميين ولاية الجزيرة ..
