الخرطوم:مدني نيوز
بسم الله اسمع،،،،، نمي يا سفيان
في صاحبي البسلم روحو لي عفيان
زولي القولتا فيو قافيات بلا كُفيان
ادي نعالو للمسكين ومِش حفيان
مادة اعلانية
اسمع يا عمر في صاحبي، سمح السيرة،
ذوي احسان معاشره منو حُسن الجيرة
ستار للعروض ” هيلو الكرم والغيرة ”
زول واجبات والعوجه الكبيرة بديرة
رفيقي انا يا اللبيب بلقاهو ساعة ضيقي
تاني الدنيا،،،،،، مهما تقاسي تلقى رفيقي
يا نم اسخى ليهو ،،،،،، ويا بصاير فيقي
في التلب الاصم ،، ااذي اخويا شقيقي
صاحبي’القدرو’ بي سهم القصيد ما صيتو
بحر القافية مابوفيهو،،،،،،،،، لو جت جيتو
الكييفني منو ،،،،،،،،،، الفي المكارم ريتو
“”اكتل الزول وإفرش لي،، وإدفع ديتو “”
وظرفك هو البوريك،، نوع رفيق ندام
والبكسيك هدم،،،،،،،، يوم تعدم الهدام
يوم ضرب السلاح والمدفع اب صدام
بتعرف البفز ،،،،،،،،،، والبمشي لا قدام
.
.
