نظام التقديم الإلكتروني لوزارة التعليم العالي عادل جدا والقبول بتم بكل شفافية ومريح

الخرطوم :مدني نيوز

محمد عبدالعظيم
نظام التقديم الإلكتروني العملته وزارة التعليم العالي عادل جدا والقبول بتم بكل شفافية ومريح ؛(اي طالب ممكن يقدم من بيته ) من اي مكان في الخرطوم او الولايات ، ماف داعي تجرجر وتجي الخرطوم عشان تقدم من داخل الجامعة .

ما تفتكر انه لما تمشي تقدم من داخل الجامعة فرصتك في القبول حتزيد ، كلكم واحد ( القدم من بيته او قدم في مراكز التقديم او قدم او جا قدم من داخل الجامعة
….. او من اي مكان )
الفيصل الوحيد في القبول هو نسبتك الجبتها
ماف واسطة بتدخلك جامعة باقل من نسبة القبول .
الواسطة ممكن يخفض ليك الرسوم او يعفيك من الرسوم تماما اذا بقت جامعة خاصة .
المشكلة في الاكاديمية بتاعة مدني انها اصلا ما مسجلة في وزارة التعليم العالي ولا عندها تصديق
ولا نازلة في الموقع الوزارة حق التقديم
الطلاب بمشو براهم بسجلو فيها وبطبعو ليهم بطاقات ويدوهم شهادات وهمية ما بتتوثق (زي درس العصر بتاع استاذة سلوى ) بتستفيد منه اكاديمياً لكن شهادتك الا تبلها وتشرب مويتها